Jagrukta badhaye:-
        aaj ke samay me nabalik bachcho ke sath hone wali laingik apradh ka pratishat din pratidin badhata ja rha hai.aur aaptur par yh dekha jata hai ki aisi ghatnao ko bachche ke jan pahchan, ristedar ,padoshi ya koi karibi vyakti hi anjam deta hai.is vishay ko ham sabhi ko Bahut hi gambhirta se leni Chahiye tatha iske liye jagruk rahna Chahiye.samanyatya dekha gya hai ki koi bachcha apne parents ko aisi kisi ghatna ki uske sath hone ki suchna deta hai to uske parents is bat ko samanya samajh kr bachche ko hi chup karwa dete hai.kintu is bat ka us bachche ke bal man me Bahut hi gahra prabhav dalta hai.sath hi sath aise apradh ko karne Wale vyakti ko bhi badhawa milta hai iska paridam ya to koi badi ghatna jaise us bachche ke sath rape aur hatya jaise apradh bhi kiye jate hai.isliye sabhi parents jinke bachche (ladka ya ladki) nabalik hai unhe Good touch Bad touch ji jankari dete huye swayam iske prati jagruk rhe.aisi ghatnao ko suruwat me hi uchit kadam uthate huye apradh karne Wale ke khilaf vaidhanik karyawahi kre taki kisi bade apradh ko hone se rok sake.
Vaidhanik pravdhan.. Is prakar ki ghatna /aparadh ke liye pocso act(laingik aparadh se balko ka sanrakshan adhiniam 2012)ke vibhin dharao ke tahat police dwara karyawahi ki jati hai.iske sath sath ipc ki dhara 354 chhedkhani, 376 rape ke tahat bhi apradh panjibadh kiya jata hai.

Victim bachche par vishesh dhyan de v ye kre:-
(1)jab b koi bachcha aapse uske sath laingik apradh(sexual harassment)ki suchna kisi b madhyam ya tarika se de, to us bachche se Bahut hi pyar se puri ghatna ki jankari lene ki kosis kre,bachcha dra huwa ho ya use chot aai ho to police ko suchna dete huye uska medical check up karwaye.mansik y'all psychological problem ho to child welfare commity ke pas police ke madhyam se le jaye jha uski counseling karwai jati hai.
(2)us sthan ki jha Ghatna hui v us vyakti ki pahchan kre jisne aparadh Kiya,
(3)vyakti ki pahchan hone par us vyakti ki jankari ke bagair use kisi sthan par roke(ydi Wah bhaga na ho ya kisi prakar ki asuraksha na ho to)
 (4)us vyakti ke sath kisi prakar ki ghatna(exa,marpit)aap na kre.
(5) police station me iski FIR karwate samay sath me bachche ka Age sambandhi dastavej avasya sath rkhe.(6)fir karwaye
(7)aur apradhi vyakti ko police ke supurd kare.

Kya kre jab aapke sath gharelu pratadna ho:-ydi aap vivahit mahila hai aur aapke Sasural ke natedar(pati aur unke ristedar) aapko paise ki mang kr ya kisi anya bat pr aapko ulahna dete hai,gali galoch karte hai ya marpit karte hai ise gharelu hinsa kahte hai.jab aapke sath aisi koi ghatna ghatit ho to aap iski likhit suchna apne nikatam thane  ya Mahila  thane me de sakte hai.suchna milne pr mahila thane me (suprem court Ke aadeshanusar) aapki Shikayat ko pahle paramarsh kendra counseling ke liye rkha jata hai jha 3 Bar counseling ki jati hai yah counseling team ke dwara kiya jata hai.isme mahila ke mayke aur Sasural dono paksho ke sadasyo ko bulaya jata hai aur samasya ke nirakaran karne ka prayas kiya jata hai.ydi counseling me koi nirakaran nhi hota tab mahila apne ichcha anusar ya to is par aparadh panjibaddha (FIR) indian penel code ki dhara 498A ka ragister karwa sakti hai. Ya nyayalay me bharan poshan ka pariwad lga sakti hai.ya mahila evm bal Vikash vibhag se gharelu hinsa ka Case bna kr Court me pesh krwa sakti hai.(yah sabhi pravdhan Indian  law ke tahat kewal india me lagu kiya ja sakta hair) 

Namskar!aap sabhi ka swagat hai mere is blog me. Aaj Mai ek nya kam suru karne ja rhi hu. Ummid hai isse jarurat mando ko  labh Milega.aajke is vyast Jivan me ham sabhi kisi na kisi samasya ka samna karte rahte hai.parantu vyastata me ham kisi ko salah Nhi de pate ya madad nhi kar Pate.ham sabke bich hote huye b bahut akele ho gye hai.in paristhitiyo me yadi hamare sath koi aisi ghatna ghatit Ho jaye jisme kanuni salah ki aawasyakta ho jaye to kisase Midad li jaye.logo ki isi aawasyakta ko dekhte huye mai apna yah blog likh rhi hu jisme Mai samay samay par kanuni aur vyavharik jankari bhi deti rahungi.ummid hai mere is blog se logo ko sahayta milegi.dhanyawad.